Neikvæður janúarmánuður

Jæja núna tek ég mig á og ætla að endurlífga þessa bloggsíðu (það hlýtur að takast þar sem ég er með nýlegt próf í endurlífgun )

Ég ætlaði s.s. að taka mig á um áramótin, alltaf gott að miða við þau. Setti mér áramótaheit um að þetta árið ætla ég að vinna í því að vera jákvæð, en...síðan var janúarmánuður bara svo neikvæður að mér tókst ekkert að vera jákvæð og nennti þ.a.l. heldur ekki að blogga Það voru nefnilega próf í janúar, 3stykki í eiginlega 4 fögum og þessi próftíð var algjört hell Fyrsta blokkin hjá mér endaði um mánaðarmótin okt-nóv eftir mánaðarlestur undir lífeðlisfræðipróf sem gekk bara sæmilega, en þetta var stærsti áfanginn sem ég hef klárað hingað til, 21 ECTS, og ég hefði alveg verið til í að fá betri einkun í honum, en ég gerði mitt besta.

Síðan eftir það tók við blokk 2, frá nóvember til janúar, sem var eingöngu til upplestrar fyrir janúarprófin. Ég var mjög samviskusöm, vaknaði alla virka daga snemma á morgnanna og lærði anatomi (líffærafræði), fósturfræði og vefjafræði til þrjú-fjögur á daginn, og síðan til tíu-ellefu á kvöldin í janúar. Þetta gekk svo vel að ég ákvað að skrá mig í pínulítinn kúrs af 3. ári til að taka með, etologi = atferlisfræði. Mér var ráðlagt að taka þennan kúrs með þar sem hann var aðeins 3 ECTS og væri mjög léttur  og prófið krossapróf með hjálpargögnum. Það gat nú ekki verið mikið mál og ég þurfti aðeins að mæta hálfan dag 1x i viku till þess að sitja fyrirlestra í þessu fagi.

Eins og ég sagði áður þá gekk lærdómurinn bara glimrandi vel, þrátt fyrir endalausa mygludaga heima, og má segja að ég hafi verið samfleytt í prófalestri í 4 mánuði!! Maður var skiljanlega orðinn frekar lúinn á þessu en hafi það sem gulrót að reyna að standa sig í þessum stóru og mikilvægu fögum.

Síðan kom janúar, neikvæði mánuðurinn. Ég þurfti að fara út til Dk á nýársdegi, eftir samt yndislegt 2ja vikna jólafrí, en hluti af fríinu fór samt í próflestur. Fyrsta prófið mitt var 14. Janúar i vefjafræði og fóstufræði saman. Dögunum fram að því eyddi ég í vefjafræðisalnum í að æfa mig í að greina sýni og var orðin bara nokkuð sleip í því að mínu mati, en ég eyddi öllum virku dögunum í þetta frá opnun til lokunar á salnum.

Síðan kom prófið og ég var full af bjartsýni. Ég byrjaði að taka skriflegt próf sem gekk bara vel, en þegar það kom að verklega hlutanum, sem fólst í því að greina sýnin, þá fór allt úr bönunum hjá mér Prófið var þannig uppbyggt að það voru 8 stöðvar með 1-2 sýnum og nokkrum spurningum sem við áttum að greina og svara á 3 mínútum (hver stöð var s.s. 3 mínútur).  Sýnin voru allt önnur og með aðrar litanir heldur en sýnin sem við höfðum notað í tímum og æft okkur á og ef ég náði ekki að sjá strax út úr hverju sýnið var þá gafst varla tími til þess að skoða sýnið og svara spurningunum. Þannig að ég þurfti að giska á slatta því ég var alltaf að falla á tíma. Ég var ekki alveg sátt eftir þennan hluta prófsins, fannst mér ekki hafa gengið svo vel. En síðan kom á daginn að flestir höfðu átt í vandræðum með það sama og ég, okkur fannst nú þessi verklegi hluti ekki endurspegla kunnáttu okkar. Ætlaði bara að tækla hin prófin í staðin.

Ég lærði á fullu fyrir þau. Etologi prófið var 22. janúar, daginn fyrir stóra anatomiprófið. Ég var frekar stressuð yfir því að það væri daginn fyrir stærsta prófið, en stappaði í mig stálinu að þetta væri nú auðvelt krossapróf og öll hjálpargögn leyfileg. Ég var búin að lesa allt efnið, glósa aðeins úr því og merkja það þannig að auðvelt væri að leita í gögnunum. Skellti mér í prófið og ætlaði að rimpa þessu af, við fengum 3 tíma til þess að taka það, áður höfðu alltaf verið gefnir 4 tímar í þetta próf en kennarinn hafði sagt að flestur væru búnir eftir 2 tíma og stytti því próftímann. Hann sagði jafnfram að það væri alltaf rosalega lítið fall í þessu fagi hjá honum. Þetta voru bara allt mjög uppörvandi fréttir, en...síðan var þetta næstum því  erfiðasta próf sem ég hef farið í á ævinni Krossarnir voru rosalega svínslegir og ekki í neinu samræmi við það sem kannarinn hafði sagt né í samræmi við sýnipróf. Það var svakalega erfitt að finna svörin í hjálpagögnunum og ég sat sveitt alla 3 tímana við að fletta öllu upp en náði samt ekki að finna nærri því allt. Niðurstaðan var s.s. sú að mér gekk alveg ömurlega í þessu prófi Reyndar var allur árgangurinn fúll útaf þessu prófi og sendi kvörtunarbréf til kennarans og ég veit ekki hvað og hvað.

Daginn eftir var síðan komið að aðalprófinu, anatomi. Það byrjaði með skriflegum hluta sem mér gekk bara ágætlega í. En verklegi hlutinn var síðan 20 stöðvar með líffærum þar sem átti að greina 2-3 atriði á hverri stöð og svara spurningum á  2 mínútum á stöð!!  Fólki gekk ekki svo vel með þennan hluta prófsins, þar á meðal mér. Þetta var alltof stuttur tími, NB meira að segja styttri heldur en í vefjafræðiprófinu til þess að svara öllum þessum spurningum á 2 mínútum. Ekki hjálpar það þegar maður hugsar á íslensku og þarf að umorða það á dönsku og muna latnesku heitin. Þetta var samt í fyrsta sinn sem prófið var með þessum hætti, hingað til hafa alltaf verið munnleg próf, en þau tóku alltaf svo langan tíma og erfitt var að bera nemendur saman því fólk fékk mis erfið  efni á prófinu. Þannig að þetta próffyrirkomulag var hannað til þess að hægt væri að keyra prófið á stuttum tíma og á einum degi vegna stækkandi árganga í dýralæknanáminu. En mér fannst þetta nú ekki alveg nógu vel hannað hjá þeim. Í undirbúningnum fyrir prófið voru þeir alltaf að stytta tímann sem við áttum að fá og þetta var síðan alltof stuttur tími á hverri stöð. Held að þeir þurfi að endurskoða þetta og leiðinlegt að hafa þurft að vera tilraunadýr í nýju próffyrirkomulagi sem virkaði ekki svo vel

Þannig fór nú það og þetta er ástæðan fyrir neikvæðninni sem kraumaði í mér í janúar. Ég hafði verið svo bjartsýn og fannst ég hafa lagt hart af mér fyrir þessi próf og síðan gekk mér alls ekkert svo vel Ég er ennþá að bíða eftir einkunum, en til þess að ná prófunum þarf maður að hafa staðist bæði skriflega og verklega hlutana. Ef svo fer að ég falli í vefjafræði/fósturfræði eða anatomi þá þýðir það sumarpróf í ágúst og færi þá allur júlí í að lesa fyrir það (er í skólanum til enda júní)  En maður þarf bara að taka því ef það verður þannig.

En núna er kominn febrúar (mánuðurinn minn) og ég er strax farin að vera miklu jákvæðari Mér líst ljómandi vel á blokk 3 sem byrjaði í gær. Ég er að byrja í ónæmis-, veiru- og meinafræði, held að það séu allt mjög skemmtileg fög.

Ef ég næ prófunum þá er ég komin með fullt af skemmtilegum plönum fyrir sumarið, sem ég þyrfti samt að velja heilmikið úr þar sem sumarið eru bara 8-9 vikur hjá mér.

Í vetur hef ég verið að taka bóklegt nám frá Landbúnaðarháskólanum á Hvanneyri sem heitir Reiðmaðurinn og þurfti að taka próf þaðan í desember og fékk hæðstu einkunina Mér finnst það nám rosalega skemmtilegt, fræðist alveg helling um hestana. Þetta eru 4 annir, 2 ár, en stóran hluta námsins, verklega hlutann, þarf ég að taka seinna. Áfanginn sem ég kláraði fyrir jól fjallaði m.a. um uppruna hestsins, sögu, byggingu, atferli, umhirðu og umgengni, gangtegundirnar, ásetu o.fl. Áfanginn sem ég byrjaði síðan í núna eftir áramót fjallar um heilbrigði og hirðingu hesta, kröfur til aðbúnaðar, hófhirða, járningar, kynbætur, frjósemi og uppeldi o.fl. Síðan er eins og ég sagði fullt af reiðtímum þar sem farið er í ásetu, taumsamband, jafnvægi, gangskiptingar og fullt af öðrum hlutum sem ég þarf að fá að taka seinna til þess að klára námið.

Það er búið að vera frekar kalt hérna í Danmörku að undanförnu og við erum alltaf að spara kyndinguna, fengum í þokkabót endurgreiddan hita eftir árið En þessi sparnaður lætur mann þurfu klæða sig betur þegar maður er heima og þá er nú heppilegt að eiga ullarsokka og mömmu sem prjónar á mann lopapeysur Ég keypti líka svona rúm fyrir köttinn til að hengja á ofninn svo að hann geti kúrt þar sem er hlýast.

Jæja ég læt þetta nú nægja í bili, enda tel ég þig nú bara vera hetju ef þú hefur náð að lesa þig í gegnum þetta allt. Reyni hér eftir að blogga oftar svo að færslurnar verði ekki svona svakalega langar.

Kveðja Stína jákvæða
P.s frekar fyndið en stjörnuspáin mín á mbl.is í dag endaði á þessum orðum: ,,Jákvæðni þín og bjartsýni geta áorkað miklu". Það er greinilega ekki spurning að ég þarf að vinna í jákvæðninni og bjartsýninni


-Ég í nýju lopapeysunni frá mömmu-

-Ég og Þór-

-Laugaland um jólin-

-Gróðurhúsin-

Ný færsla

Það hefur svona gengið á ýmsu í haust:

Kreppan

Já þessi blessaða og svokallaða kreppa hefur aðeins leikið mann grátt og gert manni lífið leitt hérna úti, en maður hefur ennþá lifað af. Broddi var náttúrulega að vinna heima á Íslandi þar til í seinustu viku, þegar hann kom út og fékk vinnu hér. Annars höfðum við notað íslensku sumarlaunin okkar og launin hans til þess að borga af íbúðinni hérna úti. Það þarf væntanlega ekki að segja nokkrum manni það, allir að pæla eitthvað svo mikið í þessu núna, að þessir peningar urðu ekki að neinu þegar þeir voru millifærðir frá Íslandi til Danmerkur. Ekki nóg með það að þá var á tímabili ekki hægt að millifæra  frá Íslandi og ég held að ég hafi verið paningalaus í 2 vikur og lifað á hafragraut og múslíi á þeim tíma...það var s.s. ágætis slankekúr hehe. Ég gat þó reddað mér eitthvað með að fá peninga fyrir skólabækur sem ég seldi.
En ætli maður verið ekki kannski að bíta í það súra að koma ekki heim næsta sumar til þess að vinna???!!! Það myndi bara alls ekki borga sig fyrir okkur eins og staðan er í dag

Marblettafaraldurinn dularfulli

Ofan á þetta allt saman þá tók ég eftir því að það var farið að færast í aukana hjá mér að fá marbletti...alveg við minnsta tilefni. Var fyrst vör við þetta einhvern tíman snemma í haust að ég fékk voðalega ljóta marbletti. Síðan varð ég alltaf gjarnari að fá þá og vissi oft ekki eftir hvað þeir komu, en þeir virtust koma eftir nánast allt sem snerti húðina á mér með einhverjum þrýstingi, eins og t.d. hneppa á buxum...ég fékk marblett eftir hana.
Mér var náttúrulega hætt að lítast á blikuna og dreif mig til læknis, semkostar btw ekkert hérna í Danmörku. Ég var náttúrulega send í blóðprufu...sem endaði að vera nokkuð margar, því ekki tókst að finna út úr þessu eftir þær fyrstu, en þeir telja sig vera búna að finna núna það sem er að mér. Ég er með alltof lágan storknunarþátt í blóðinu, alveg langt fyrir neðan neðstu leyfilegu mörk. Þetta þýðir s.s. bara það að blóðið á erfitt með að storkna og getur það verið hættulegt ef maður slasast eða þarf að fara í aðgerð, því þá gæti manni frekar blætt út
En núna er sem sagt verið að vinna í því að finna út hvers vegna þetta er í ólagi...blóðprufurnar sýndu að allt annað var í lagi nema að ég þjáist líklegast af K-vítamínskorti! Ég hélt að vítamínskortur þekktist varla hjá Norðurlandabúum...en ég er bara á K-vítamín átkúr, það er víst ekki til pilla við þessu. Síðan á ég að mæta aftur í blóðprufur eftir 2 vikur og láta athuga hvort þetta hafi jafna sig allt saman.
Verð samt að segja ykkur í sambandi við blóðprufurnar....ég er rosaleg. Þið sem þekkið mig vitið flest að ég var haldin svakalegri sprautufóbíu alltaf. Það skánaði ekki fyrr en ég fór í hjúkrunarfræðina og fór að sprauta á fullu og setja upp nálar og allt það. Mér finnst það ekkert mál. En það er eitthvað sem gerist alltaf þegar nál fer inn í æð hjá mér þá steinligg ég, já það líður nánast alltaf yfir mig!! Ég skil þetta ekki...ég er alveg pollróleg og finn ekki fyrir neinni fóbíu, en þegar nálin fer inn í mig þá ræð ég ekki við þetta og dett algjörlega út. Mjög furðulegt allt saman, en þýðir vonandi að varnarkerfið líkama míns sé gott, þó að ég þjáist af smá vítamínskorti. Ég veit amk að viðbragðakerfið mitt er í lagi...það fæst sannað þegar mér er brugðið, get sýnt soldið ýkt viðbrögð

Túttur undir bílinn

Loksins vor u sett ný dekk undir Patrolinn. Það voru 38" Mickey Thomson dekk sem fóru undir hann og vonumst við eftir að hann komist í brúk á þeim í vetur

Ferðalög

Ég hef verið á smá þvælingi í haust. Fór í september til Þýskalands á Vindhola, hestamannamót með íslenksa hestinum, að sjálf sögðu. Það var mjög skemmtileg ferð og lentum við meira að segja á „íslensku" sveitaballi með á Móti sól. NB Þá bauð ég meira að segja í Magna í sjómann og vann hann

Síðan fyrstu helgina í október þá var hyttetur (skálaferð) íslensku dýralæknanemanna og í ár var ákveðið að fara til Landskrone í Svíþjóð. Þar vorum við yfir helgina í sof-ét ferð, og drykkju. Fyrir utan það þá var farið í drykkjuleiki og hlaupið í sjóinn um miðja nótt...það var hugmynd einhvers snillings

Próf og aftur próf

Skólinn snýst mjög mikið um próf og restinni af október eyddi ég að lesa undir próf. Ég las nánast alla daga frá því að ég vaknaði á morgnanna, þar til ég fór að sofa. Fyrir utan nokkra tíma sem maður þurfti að mæta í skólann og fá sér að borða og smá pásur inn á milli. En ég varð að verða geðveik á þessu tímabili, og mest allt tímabilið var ég ein heima. En þetta tímabil endaði núna í vikunni sem leið með 2 prófum sem voru 26,5 ECTS, sem er alveg slatti. En mér gekk vel í þeim og búin að fá að vita að ég stóðst annað þeirra sem var munnlegt próf og maður fær niðurstöðurnar úr þeim strax.

Frí?

Núna er ég komin í 9-10 vikna upplestrar"frí" fyrir prófin sem verða í janúar, anatomia og embryologi+histologi. Það verða heljarinnar próf og maður má víst ekki tapa einbeitingunni þó að maður sé kkert í skólanum, heldur halda sér við efnið og læra vel. Þess vegna ætla ég að vera hérna úti, en ekki koma heim fyrr en 18. Desember og fer út aftur á nýársdag því fyrra prófið er það snemma í janúar.

Við héldum aðeins upp á próflokin, hittusmt heima hjá mér og horfðum á Dagvaktina og hlóum alveg helling yfir þeim. Síðan elduðum við Silja+makar íslenskt lambalæri og buðum danskri bekkjarsystur okkar í mat. Hún var aðeins með okkur á LM í sumar og kom með mér upp í Þórsmörk. Hún hefur verið tæplega ár á Íslandi að vinna á Þúfu. Hún þakkaði þannig fyrir sig með því að bjóða okkur Silju í heimsókn til sín í sveitina á Jótlandi, og þangað erum við að fara á morgun og verðum í nokkra daga. Ég er mjög spennt að komast e-ð úr bænum og út á land og ég tala nú ekki umað komast í sveitina. I love it!

Þetta ætti nú að vera orðinn ágætur bloggskammtur í bili
Stína

Sumarið bara búið

Sumarið bara búið og ég er komin aftur út til Köben. Sorry allir sem ég náði ekki að hitta á í sumar, var soldið mér að kenna...var búin að setja alltof háleit markmið um það sem ég ætlaði að gera í sumar og náði ekki að gera nema svona 1/4 af því Búin að ákveða það að ég ætla að vinna minna næsta sumar og gera meira af því sem ég er alltaf að láta mig dreyma um.

Það sem ég náði nú samt að afreka var:
Að hlaupa Fimmvörðuháls (Þórsmörk-Skógar 24 km) á 3 klst...reynið að toppa það
Að ganga Laugaveginn (Landmannalaugar-Þórsmörk 55 km) á 9 klst
Að fara á LM hestamanna fyrstu helgina í júlí (sem var jafn framt eiginlega eina djammið mitt í sumar)
Að fara í 6 daga hestaferð fyrir norðan með dýralæknanemum og fylgifiskum

Í hestaferðina mættum við Broddi, Silja, Elsa og Ívar og Þóra systir Elsu. Á fyrsta degi var bara riðið stutt í Eyjafirðinum og gist á Akureyri. Á degi 2 var riðið yfir Vaðlaheiðina, inn með Fnjóskadal og gist að Sörlastöðum. Á degi 3 var riðið yfir Vallafjall, komið niður í Bárðardal, riðið yfir Skjálfandafljót, inn með dalnum og gist að Stóru-Tungu. Á degi 4 var riðið yfir Mývatnsheiði, út Laxárdalinn, yfir Laxárdalsheiði og endað að Einarsstöðum og gist á Laugum í Reykjadal. Á degi 5 var riðið yfir Fljótsheiði, stoppað við Goðafoss, riðið að Ljósavatnsskarði og stoppað við Ljósavatn. Síðan endað að Hálsi í Fnjóskadal og gist í Vaglaskógi. Seinasta daginn var riðið yfir Fnjóská, yfir Vaðlaheiðina aftur og komið niður og endað í Eyjafirði.

Mjög góð og fjólbreytileg leið, ferðin í heildina góð, sól og blíða (hefði samt mátt vera svalara á köflum).
Þakka bara Elsu og Ívari fyrir vel valda leið. Að ári munum ég og Silja skipuleggja leiðina og ætlum við nú ekki að hafa hana síðri...en farið verður um Suðurlandið og inn á hálendið ef ég þekki okkur rétt

Við Broddi enduðum vertíðina mína í Þórsmörkinni með því að fara saman í bæinn og gistum við á Hilton hótelinu Þar ætlaði ég sko aldeilis að láta dekra við mig, en var síðan svo þreytt þegar við mættum að ég bara steinsofnaði Já búin að vera slatti keyrsla á manni seinustu daga, vinna, jeppaferðir, trúss og fleira. En rúmin á Hilton eru allaveganna góð, því ég náði ekki að kanna mikið annað. Við vöknuðum samt eldsnemma daginn eftir og láum upp í rúmi og horfðum á Ísland vs Pólland.
Síðan brunaði ég aðeins heim í sveitina. Þegar ég renndi í hlaðið þá var bara búið að leggja á fyrir mig (þvílík þjónusta fyrir heimasætuna). Ég gat auðvitað ekki hafnað því og skellti mér í reiðtúr með pabba og Hjalta bróðir.

En núna er ég s.s. komin út og inn á mér búa 2 manneskjur og 3 hryðjuverka kettir Hin nýtrúlofuðu Silja og Benny búa hérna tímabundið, en gaman að segja frá því að Benny fór á skeljarnar og bað Silju í Þórsmörkinni...og hún sagði auðvitað ,,já". Á maður þá ekki einhvern heiður að því?
Í morgun kíktu Ebba og Indriði í heimsókn, og einnig var von á að Elsa og Ívar myndu láta sjá sig (en það klikkaði eitthvað með að vakna á þeim bæ, þannig að þau sáust ekkert). Við horfðum á Ísland í úrslitaviðureignni við Frakka. Ég var alveg að fara á límingunum í upphaf leiksins, en stemningin datt síðan alveg niður. Silfur er samt bara mjög gott, en hefði viljað sjá þá halda meira í við Frakkana. Í heildina þá stóða strákarnir sig auðvitað frábærlega.

Annars nenni ég ekki að fara meira ofaní saumana á því sem ég gerði í sumar. Læt frekar bara fylgja myndir með færslunni sem tala sínu máli.
Þarf að fara undirbúa mig fyrir skólann á morgunn Njótið...kv. Stína
P.s. Getið fundið fleiri myndir frá mér á http://www.picturetrail.com/sfx/album/view/19855804

Illlyndur, tófan okkar í sumar

Þórsmörk

Hreindýraveiðar

Hestaferðarfarar


Ég á Goða

Ég á Glettu

Broddi

Stund milli stríða í hestaferðinni

Við Elsa að fá okkur smá koníak áður en lengra er haldið

Soldið samstíga

Fengið sér í nebbann

Elsa, Ívar, Silja, ég og Broddi

,,Hvaða hest á að taka?"

Griðingarvinna í Þórsmörk

Eilífur sprettur

Riðið út á vindóttu í Mörkinni

Hvaða fararskjóti er bestur?

Reynt að koma hrossunum yfir Krossá

Arnar Páll hetja kom manni til hjálpar


Fengið sér íslenskt í nebbann á LM hestamanna

Við Silja alveg gular á LM hestamanna

Við Ívar í brekkunni á LM hestamanna

Silja og Benny nýtrúlofuð í Mörkinni

Skálavörður í Þórsmörk

Hjálpað til í Krossá

Ský og sólarlag í Þórsmörk

Undarlegt skýjalag yfir Valahnjúk

Ég að tuska Illlynd til

Við Illlyndur að leika

Við Illlyndur

Í trússi á Fjallabaki

Fórum einu sinni heldur djúpt í Krossánni

Við Búðarhamar

Komst að leyndum hæfileika


Landmannalaugar

Trúss á Fjallabaki

Skagfjörðsskáli í kvöldroðanum


Illlyndur

Gleraugu, sviðin augnhár, hlaupandi yfir Fimmvörðuháls og LM

Fyrst að ég komst í netsamband þá ætla ég að fara yfir helstu fréttirnar af okkur á hundavaði.

1. Ég fór sjálf, og dró Brodda með, í sjónpróf. Hef stundum fengið hausverk af miklum lestri og datt í hug að kannski þyrfti ég lesgleraugu. Útkoman varð sú að það var ekkert að sjóninni í mér, en Broddi var bæði með sjónskekkju og fjarsýni og er kominn með gleraugu!! Það fer honum samt bara býsna vel, yngir hann frekar upp ef eitthvað er...ég fékk að hjálpa honum að velja þgleraugun
2. Það er búið að rigna í 9 daga samfleytt inn í Þórsmörk Alveg andstætt við veðrið í fyrra. en þá ringdi kannski svona einu sinni á 3ja vikna fresti. Þessi rigning hefur samt verið í mismiklu magni dag frá degi og ég held að það muni ekki rigna meira hér í sumar...búin með kvótann En síðan kom líka stormur núna um daginn sem lék bæði göngugarpa og Landmótsgesti grátt.
3. Ég verð á Landsmóti hestamanna núna um helgina.
4. Við Broddi og hinir skálaverðirnir, ásamt leiðbeinundum útbjuggum leitaræfingu í Mörkinni fyrir unglinga á framhaldsnámskeiði á Gufuskálum/Slysavarnarfélaginu Landsbjörgu...það tókst bara vel og við vorum alveg að missa okkur í að útbúa falsk ,,mannhvarf"
5. Ég varð fyrir lítilli gassprengingu sem ég fékk í andlitið og sviðnuðu bæði augnhár og -brúnir af mér
6. Ég hljóp Fimmvörðuhálsinn, 24 km, frá Þórsmörk yfir að Skógum á 3 tímum!! Geri aðrir betur
7. Helgina eftir það þá guidaði ég 14 manna hóp á vegum Ferðafélagsing og ásamt Svavari skálaverði, yfir Fimmvörðuháls.

Læt fylgja nokkrar myndir með, en síðan eru fleiri skemmtilegar myndir úr Mörkinni á http://www.picturetrail.com/stinavet ....vona að þessar myndir fái ykkur til að drífa ykkur í heimsókn!

Kveð að sinni
Stína


Broddi kominn með gleraugu...fara þau honum ekki bara þokkalega?

Ég að Skógum, búin að hlaupa Fimmvörðuhálsinn

Ég og Svavar að guida Fimmvörðuháls

Fimmvörðuháls



Baldvinsskáli ,,Fúkki" á Fimmvörðuhálsi

Heljarkambur

Á leiðinni í Mörkina með byrgðir í sjoppuna


Svavar og Broddi

Frægi kartöflugarðurinn

Byggingarplastsrennibraut með sápu og vatni

eeee.........

Leiðbeinendurnir á Gufuskálum

Broddi að tala við krakkana eftir leitaræfinguna

Safnað í varðeld


Ragna og Svava á kvöldvöku

Elvar eitthvað að sprellast

Skagfjörðsskáli í kvöldroðanum

Farin í Mörkina

Já þá er ég bara að fara að leggja í hann...er að fara frá Selfossi og inn í Mörk og ekki verður von á mér í byggð amk næstu 2 vikurnar til að byrja með, þannig að ég get ekki lofað mikilli hreyfingu hérna á síðunni í sumar...er nefnilega netlaus en fólk lifði nú af hér á öldum áður án þess að hafa internet...

Fyrir utan það að hafa verið heima í sveitinni þessa viku, þá var ég boðuð á fund með Almannavörnum. Þar var farið yfir það hvað myndi gerast og hvernig við skálaverðir ættum að bregðast við ef Kötlugos yrði. Eftir þennan fund þá gerði ég mér það ljóst að ég er bara í stórhættu og verð líklegast innilokuð í Þórsmörkinni ef að Katla gýs Ég gæti fengið jökulhlaup yfir mig, eldingar, eiturgufur eða gjóskufall!! Jahá...en það verður án efa mikið action ef það myndi skella á og fáum við lyklavöldin af boxi sem inniheldur 10 neyðarflugelda (sólir) og 10 hljóðsprengjum sem við eigum að skjóta á loft ef gos verður. Það er gert til að vara ferðamenn á svæðinu við...þannig folks þið vitið þ.a.l. núna hvað það merkir ef ég missi mig í skotgleðinni

En smá fróðleikur:

Katla gýs að meðaltali tvisvar á öld, síðast staðfest árið 1918, en eldgos eru mun sjaldgæfari í Eyjafjallajökli.  Eldgosum í Kötlu og Eyjafjallajökli fylgja hættur á borð við eldingar, gjóskufall og jökulhlaup.  Vatnasvæði Kötlu eru þrjú og geta snögg og vatnsmikil jökulhlaup ruðst fram Mýrdalssand, Sólheimasand og Markafljótsaura, allt eftir staðsetningu eldgoss. Eldgos undir Eyjafjallajökli geta átt upptök hvar sem er í eldkeilunni og jökulhlaup geta komið fram mjög fljótt eftir að gos hefst.

Viðbragðaáætlanir almannavarna snúa m.a. að viðbrögðum við gjóskufalli og jökulhlaupum, t.d. með lokun svæða fyrir umferð. 

Á laugardaginn keyrðum við pabbi hrossin sem ég mun taka með í hestaferðina í sumar, vestur á Mýrar og riðum fjörur svipaðar Löngufjörum, svona með ljósum sandi. En við keyrðum hrossin að Ökrum og riðum nes sem heitir Akranes (samt ekki Skaginn). Við fengum æðislegt veður og hrossin stóðu sig vel. Þarna var mikið um fuglalíf, kríur, svartbakur, teistur, kjóar, æðarfugl, tjaldar og skarfar voru dæmi um fugla sem við sáum. Krían og Svartbakurinn voru helst að hrekkja okkur eitthvað enda með unga og hreiður. Það var svo mikið af svartbakshreiðrum að við máttum hafa okkur öll við að traðka ekki ofaná þeim. Sáum líka dauðan sel og hvalbein. Læt fylgja nokkrar myndir með til yndisauka

Goði (undan Kolfinni frá Kjarnholtum I)

Pabbi með Leiftur og Glettu

Ég á Goða

Selurinn

Svartbaksungi að líta dagsins ljós



Spor í sandinum

Gletta (undan Feyki frá Hafsteinsstöðum) er í trimmi eftir folaldseign síðasta sumar

Pabbi

Leiftur "óþekki" (undan Oddi frá Selfossi)

Vonast til að sjá sem flesta í Þórsmörkinni í sumar og btw þá er ég í Langadal og síminn þar er , gott að hafa það á hreinu
Kv. Stína

Komin heim í sveitina

Country roads, take me home to the place I belong...

Nú er það skýrslan: Lenti á Keflavík á miðnætti þann 7. júní. Dreif mig í gegnum flugstöðina, en náði þó að grípa 2 rauðvínsflöskur með. Ætlaði síðan að kippa töskunni og svefnpokanum mínum af færibandinu og hoppa upp í bíl til Brodda og bruna í bæinn. Taskan kom strax en ég þurfti að bíða eftir svefnpokanum. Og ég beið og ég beið. Síðan allt í einu þá var banið orðið tómt, búið að slökkva á því, allir farnir og enginn svefnpoki #$% Já ég var ekki alveg nógu sátt að vera búin að tapa þessum úrvals góða svefnpoka, og hann alveg bráðnauðsynlegur fyrir sumarið. Ég fór og gaf einhverja skýrslu um þetta þarna hjá þeim á vellinum og það tók eilífð. Síðan þurfti ég að fylla eitthvað eyðublað hjá tollinum um það hvað þessi svefnpoki innihélt????!!!! Það tók smá tíma þó svo að svefnpokinn innihéldi augljóslega bara svefnpoka. En það þurfti samt að haka við allt sem hann innihéldi ekki...

Any way...var komin í rúmið um 3 leitið. Brunaði síðan upp í Borgarfjörð daginn eftir, átti að mæta á ættarmót sem leggur úr Briemsættinni hélt í Reykholti. Í fyrsta lagi þá svaf ég yfir mig og keyrði í hendingskasti upp í Borgarfjörð. Í öðru lagi þá gleymdi ég bróður mínum í bænum og fattaði það þegar ég var komin á leiðarenda Já ballið byrjaði vel hjá henni Stínu. En auðvitað lét ég ekki deigan síga, fixaði þetta, hitti nottla alla ættingjana þarna á einu bretti og fékk voða gott að borða.... og hálfum sólarhring eftir heimkomu þá var ég komin í útivistargírinn. Nýtti tækifærið og brunaði úr Reykholti í Hallmundarhraun og fór 10 m ofan í jörðina í Stefánshelli. Villtist á tímabili í honum en það reddaðist.

-Í Stefánshelli-

-Fjölskyldumynd: Þórhallur garðyrkjubóndinn, hesta- og fluguveiðidellukarl; Stína dýralæknaneminn og allt hitt; Hjalti bifvélavirkinn; Andri tónlistarmaðurinn; Erla innanhússarkitektinn, garðyrkjukona og athafnamanneskja-

Einum og hálfum sólarhring eftir heimkomu var ég komin 939 m y. sjávarmál. Já skellti mér loksins á Bauluna. Fannst það ekki sæma mér sem Borgfirðingi að hafa aldrei gengið á Bauluna, svoleiðis hefði bara ekki mátt spyrjast út...en hins vegar núna tala ég nógu mikið um það að ég sé búin að ganga á Baulu. Það tók okkur Brodda ekki nema 2 tíma að ganga upp, frá veginum þar sem brúin er yfir Bjarnadalsá, rétt áður en maður fer Bröttubrekku þar til við vorum komin á toppinn. Við tókum síðan ekkert tímann á leið niður því við gengum inn að Bjarnafossi og fórum í smá fótabað, þar sem reyndi á minn helsta veikleika sem er fótakuldi. En ferðin upp gekk bara ótrúlega vel og ég nokkuð ánægð með formið á mér....það lofar góðu fyrir göngurnar í sumar Síðan fengum við líka fínt útsýni.

-Er sko að fara þangað upp-

-Að njóta útsýnisins-

-Síðasti spölurinn-

-Á toppi Baulu með Langjökul og Eiríksjökul í baksýn og mín nokkuð sátt-

-Hópmynd-


-Alltaf kát og brosandi þessa dagana-

-Á leið niður og ég á einhverju flippi-

-Baulan er bara búin til úr svona steinum-


-Fótabað við Bjarnafoss-


Síðan er búið að járna fleiri hross og riðið út tvisar á dag. Fór og plantaði nokkrum birkihríslum í skógræktinni okkar. Pabbi rúntaði síðan með mig um jörðina og henti mér út eins og smalahundi öðru hvoru og lét mig reka einhverjar rolluskjátur sem höfðu troðið sér inn til okkar. Hann var nokkuð sáttur með að hafa eina svona sem nennir að hlaupa endalaust Annars var ég að slá aðeins áðan. Fór bæjarferð niður í Borgarnes og endurheimti svefnpokann minn sem var sendur aftur með flugi og síðan með rútu í Borgarnes. Fór til tannlæknis og var eins og alltaf með fullkomnar tennur en...þarf að láta taka úr mér 2 endajaxla í sumar og það verður víst erfitt að ná þeim Kvíði því soldið, en það þýðir ekkert annað en að bíta á jaxlinn, á meðan þeir eru enn til staðar he he

Kveðja Stína fína

Uppgjörið

Jæja best að hafa sig í þetta...blogga

Ég veit að ég er alltaf að tönglast á þessu, en...það er bara búið að vera svo gott veður hérna úti og maður nennir bara ekki neinu, eins og að blogga. Það voru 23°C um helgina og aðeins hefur ringt 2 daga í 5 vikur, og það þurftu endilega að vera dagarnir 2 sem ég fór með kisustrákana mína í geldingu Já þetta var rosaleg rigning. En kettirnir eru geldir, tattúveraðir og farnir í pössun til Ebbu og Indriða fyrir sumarið. Ég er síðan á haus hérna heima að þrífa og græja íbúðina áður en ég fer heim og í dag er ég að fara að sýna leigjendunum hana.

Það er búið að vera nóg að gera í félagslífinu, sérstaklega um helgar. Júróvisíon helgin: Þá héldu Sara og Ebba partý á fimmtudeginum þegar forkeppnin var, og svona var stemmingin þegar tilkynnt var að Ísland kæmist áfram:


Síðan var svokölluð Smediefest í skólanum um helgina og við Íslendingarnir skunduðum á hana á föstudeginum og var þemað hjá okkur eitthvað harðfisksroð sem Sonja kom með...getið séð það á myndunum undir Myndir frá Dk

Ég og Sara á Smediefest

Sonja með harðfisksroðið

Á laugardeginum fórum við á sýningu sem heitir Den kongelige ridekunst. Sú sýning var byggð upp með hinum ýmsu hestakynum og var farið leikrænt í gegnum söguna og hvernig hestarnir voru notaðir hverju sinni...mjög gaman. Og síðan hittumst við aftur hjá Söru og Ebbu í pizzuveislu og júróvosíon á laugardeginum. En stemmarinn datt frekar niður í stigagjöfinni Héldum í alvörunni að við myndum vera í meiri baráttu. En svona er þetta, maður lætur plata sig á hverju ári. Ég held samt ekkert alltaf að við munum vinna, heldur vera í meiri baráttu um efstu sætin.

Frá Den kongelige ridekunst

Róleg yfir stigagjöfinni í Júróvisíon

Núna um seinustu helgi þá var brenniboltamót úti í skóla á föstudeginum, og við nutum þess að sitja í sólinni og fylgjast með, vorum reyndar ekki með lið í ár...en kannski bætir maður úr því næsta ár. Síðan lá leiðin á A-vej, skólabarinn, eftir mótið.

Við Silja að fylgjast með brenniboltanum

Laugardeginum eyddum við stelpurnar á Nyhavn. Sama sagan með veðrið, s.s. æðislegt. Hittum Thomas og Brian, vini mína sem komu eitt sinn til Íslands í heimsókn, og vini þeirra. Þeir enduðu síðan með því að draga okkur á Sam´s kareoke bar. Það var mjög skemmtilegt framan af og Silja og Ebba sungu saman eitt lag. En síðan fór þetta út í það að maður var alltaf að hlusta á sama fólkið syngja aftur og aftur, og það söng afskaplega misvel
Upp úr klukkan 1 ætlaði ég nú bara að fara að koma mér heim, en var þá búin að missa af S-tog. Ákvað þá að taka taxa á Ny Ellebjerg stöðina þar sem hjólið mitt var og hjóla þaðan, sem er alls ekki langt. En driverinn var nú eitthvað tæpur. Hann var alltaf að reyna að taka sér einhverja styttri leið og losna við umferðina sem var frekar mikill í bænum þetta kvöld. En hann lenti þá bara alltaf í einhverjum vandræðum, missti af beygjum og vissi ekkert hvar hann var. Hann var alveg búinn að stressa sig allan upp á meðan ég sat í aftursætinu og sagði ekki orð. Síðan allt í einu fór hann að gefa eitthvað í og bombaði síðan á annan bíl Það fór endalaus tími í að græja það og á meðan beið ég bara prúð og stillt inn í bíl, pínu brugðið en þetta var samt enginn svaka árekstur. Síðan brunaði hann aftur á stað með mig, setti mig út fyrir framan lestarstöð, ég borgaði og fór út úr bílnum. Þá rann það upp fyrir mér að þetta var kolröng lestarstöð og taxinn farinn. Ekki tókst mér að ná í annan bíl og þurfti að gjöra svo vel að labba dágóðan spotta að réttu stöðinni þar sem ég sótti hjólið. Var því komin heim um 4 leitið, alveg dauðuppgefin
Við Ebba á Nyhavn

Sumir þyrftu að vera meira úti í sólinni!

Það er nú ekki mikið að frétta úr skólanum, gengur bara allt sinn vanagang. Reyndar þurfti að rýma byggingar í skólanum þegar brunavarnarkerfið hrökk í gang einn daginn. Við biðum bara úti í sólinni á meðan, en fórum síðan aftur í tíma þegar í ljós kom að enginn bruni var. Það hafði einhvers konar einangrun gefið sig einhvers staðar á skólasvæðinu.
Síðan fórum við í smá ferð í Fysiologi kúrsinum. Fórum með rútu í átt að Taastrup þar sem nýi stórdýraspítalinn er, en enduðum á bæ sem hefur að geyma kýr sem er búið að útbúa fistla á úr vömbinni. Það er sem sagt gat inn í vömbina á þeim. Við áttum að vinna verkefni og fórum með hendurnar inn í magana á kúnum og þreifuðum okkur áfram milli magana, fundum hjartað og vélindað og fleira. Þetta var mjög merkilegt, að finna alla samdrættina og sogið inni í kúnum og á meðan jórtruðu þær bara eins og ekkert hefði í skorist


Kýr með fistil

Við Sara komnar í útbúnaðinn sem þarf til þess að kafa inn í beljumaga

Ég einbeitt

Maður kemst nú ekki hjá því að heyra fréttir frá Íslandi, en maður er orðinn frekar æstur í að komast heim því það er endalaust eitthvað um að vera þar heyri ég, sbr. jarðskálftar og ísbjörn og eitthvað. Danirnir höfðu ægilegar áhyggjur um afdrif fjölskyldna okkar eftir skjálftann. Mitt fólk á Selfossi slapp ótrúlega vel fyrir utan Kollu, elstu systir mömmu og fjölskyldu. Harpa frænka var ein heima þegar skjálftinn dundi yfir og lýsingarnar frá henni voru óhugnalegar, en húsið þeirra var útskurðað ónýtt eftir skjálftann og allt í rústi inni Já það er ekki gaman að berjast gagn náttúruöflunum.

En að lokum þá verð ég bara að segja að ég er alveg að fara að komast heim og hlakka meira en lítið til og er með alveg bunka af plönum og markmiðum fyrir sumarið. Þarf samt að flokka það eitthvað, ekki víst að ég nái að gera allt....en vonandi sem mest

Kveð að sinni, sjáumst heima

Stína skemmtanalögga

Ég ætla að byrja að segja ykkur frá því kæru landsmenn, að það er ennþá brjálæðislega gott veður í Köben...þessu ætlar bara ekki að linna, 2 vikur í sól og eintómri gleði Samt er nú rigningaspá framundan

En hvar á ég nú að byrja...það hefur nú þónokkuð drifið á daga stúlkunnar síðan seinast. En eins og ég sagði frá í seinustu færslu þá vorum ég, Silja, Elsa og Íbbi að leggja af stað í road trip til norður-Sjállánds á Íslandshestamannamót s.s.Pinsestævne og Sjællandsmesterskab. Við brunuðum af stað á húsbílnum þeirra Silju og Benna í þessu frábæra veðri og með íslenska tónlist í tækinu...brjálað stuð. En eftir tæpan klukkutíma þá vorum við bara komin...okkur fannst þetta nú frekar stutt. Við misstum síðan reyndar af afleggjaranum að mótssvæðinu, þannig að það var ákveðið að nýta góða veðrið og fara á ströndina, enda bjuggumst við ekki við neinu merkilega svona fyrsta keppnisdaginn. Á ströndinni láum við næstum allan daginn og skruppum aðeins í sjóinn, sem var frekar kaldur og með alveg obboðslega sleipum steinum...hélt að ég myndi ekki hafa það að komast í land aftur, ég rann svo til en tókst á endanum að hálf skríða í land.

(Á ströndinni að soga í sig útfjólubláu geislana)
Síðan brunuðum við á mótsstaðinn, sáum endann, komumst að því að þetta var ekki mjög sterkt mót samanborið við mörg mót heima. Við parkeruðum bílnum og grilluðum og skoðuðum svæðið.


(Pylsugrillveisla)
Næsti dagur var tekinn snemma og okkur lá svo á að horfa á forkeppnina í fimmgangi að við tókum morgunmatinn með okkur í brekkuna (áhorfendasvæðið). Stilltum meira að segja upp borði og stólum, og sátum þarna og átum morgunmatinn á meðan við pældum út bæði hesta og knapa.
 
(Sæti Norðmaðurinn og Fránn frá V-Leirárgörðum)
Við flatmöguðum síðan þarna í brekkunni allan daginn og létum sólina steikja okkur og horfðum á keppnina...gerist ekki betra
Um kvöldið var síðan rytterfest. Við vorum með smá fyrirpartý í húsbílnum og vorum aldeilis komin í gírinn þegar við mættum í festina og ég með einhverja rauðvínsbelju undir arminum....sem átti síðan eftir að enda með því að öll fötin mín urðu rauðvíninu að bráð og ég var þar með kölluð blettatígurinn Ég nenni nú ekki að fara ofan í smáatriðin á þessu kvöldi, en það gerðust nú mörg gullkornin þetta kvöld sem er enn verið að rifja upp og hlæja af Get nefnt ykkur sem dæmi að þá gáfum við Silja bíl start  og ég held að ég hafi við það einhvern veginn tognað í þumalfingri og síðan var söngheftinu mínu góða stolið
En allaveganna þá held ég að ég hafi skriðið, ekki undir sæng, heldur ofan á hana um klukkan 7 um morguninn og síðan drifin á fætur 3-4 tímum seinna til að horfa á mótið, enda úrslitadagurinn.
Við láum þarna allan daginn með litlu sem engu lífsmarki, en það lifnaði heldur betur yfir okkur þegar maður settist beint fyrir framan okkur með söngheftið mitt í rassvasanum Þvílík tilviljun og ég ætlaði síðan varla að hafa mig í það að biðja hann um það...fannst þetta e-ð hálf vandræðalegt, en gerði það samt sem betur fer, og söngheftið er komið aftur í mínar hendur þannig að ég get farið að æfa sönginn fyrir dvölina í Mörkinni



("Tvíburarnir" að skála í Tópas)

(Íbbi, Siggi Óskars, Silja, ég og Elsa)

(Söngheftið mitt mætt í rassvasanum hjá ókunnugum manni)
Ég var nú síðan bara alla vikuna að jafna mig eftir skemmtun þessarar helgar og fór síðan að fá einhver undarleg sms og email frá einhverjum sem ég kannaðist ekkert við. Þá hafði ég óvart dottið í þann gír á rytterfestinni að dreifa númerinu mínu, var reyndar með það í huga að finna einhvern sem vildi ráða mig í vinnu á hestabúgaði En því miður hafði það ekki alveg komist rétt til skila.

(Þynnkudagurinn)
En til að toppa þessa helgi ennþá meira þá var fjölgun í stóðina heima á Laugalandi, Snót kastaði móvindóttum hesti undan Stála frá Kjarri, og hefur hann fengið nafnið Óttar.

(Snót og Óttar)

(Óttar Stálason)

Fórum á fimmtudagskvöldið út að borða á staðnum þar sem Ebba var að fá vinnu, hún verður s.s. að vinna þar í sumar og núna eitthvað með skóla. Það er svona Ítalskur staður allaveganna voða góður matur...á öruggega eftir að verða aðalstaðurinn okkar 
Helgin núna var tekin rólega að mestu, er að fara með annan köttinn í geldingu á morgun og síðan er júróvisíon partý á fimmtudaginn...ummm farin  að hlakka til fyrir það. Og það er síðan alveg brjáluð skemmtidagskrá næstu helgi, Smediefest í skólanum, Kongelig ridekunst (hestasýning) og kannski meira júróvisíon ef Ísland kemst áfram

Over and out
Stína

Í sól og sumaryl

Já veðrið er svo sannarlega búið að vera óaðfinnanlegt hérna úti alla vikuna, heiðskýrt og 16-20°C. Núna í dag á hitinn að fara upp í 23-24°C og ég held að það muni alveg standast því núna er klukkan 9 að morgni og það eru 17°C úti Ég gat bara ekki trúað því að það gæti komið svona sólstrandarveður hérna í Danmörku í maí. En maður hjólar bara á kvartbuxum og bol í skólann og flatmagar á grasblettunum í skólanum í frímínútum....gæti ekki verið betra.
Og til að toppa þetta enn meira þá er ég að fara á hestamannamót á eftir Þetta er hreinlega bara að verða of mikið að hinu góða hehe. En ég, Silja, Elsa og Íbbi ætlum að taka road trip á þetta og fara á húsbílnum þeirra Benna og Silju og vera þarna alla helgina og skoða svæðið í kring, kannski reyna að finna einhverja strönd. Reyndar er þetta bara hérna á Sjállandi, aðeins fyrir norðan Köben, rúmlega klukkutíma akstur En hvað með það, við ætlum bara að hafa þetta alvöru og getum ekki beðið eftir að komast úr bænum. Þetta er sem sagt Sjállandsmeistaramót íslenska hestsins og það verða margir þekktir að keppa bæði hestar og íslenskir knapar. Við ætlum að vera þarna fram á mánudag, annan í hvítasunnu, en við erum í fríi þann dag í skólanum.

En Broddi fór heim fyrir viku síðan og enn eru 4 vikur í að ég komi. Hann fór í Þórsmörkina á fimmtudaginn að taka á móti hóp og komst að því að það er alveg slatti sem þarf að ditta að svona áður en meiri traffík verður. Svavar Helgi verður auka boost í sumar, en hann verður skálavörður með okkur frá miðjum maí og held ég bara út sumarið...þ.e.a.s. ef hann endist eitthvað í því að búa með okkur Brodda

Harpa frænka var hjá mér á föstudaginn í seinustu viku og sun-þri í byrjun þessarar. Hún var á elevmöde í gamla lýðháskólanum sínum hérna í Uldum og gisti hjá mér áður en hún fór þangað, og síðan var hún hjá mér í nokkra daga eftir nemendahittinginn.
Það var æði að hafa hana og við gerðum fullt saman og nutum góða veðursins. Fórum í dýragarðinn, röltum Strikið, fórum út að borða, elduðum saman, bjór, hvítvín og sólskin á Nyhavn og síðan rúsínan í pylsuendanum var að horfa á Notebook saman...Guð hvað það var fyndið. Ég hef horft svona þúsund sinnum á þessa mynd og fór á hana í bíó og allt, en ég kemst ekki yfir það að ég fer alltaf að grenja í lok myndarinnar...þó að ég sé með það svo á hreinu hvernig hún endar. En við sátum hérna heima saman og háskældum yfir endanum þannig að maður var kominn með maskara niðrá höku En ég lifi mig bara alltaf svo mikið inn í þessa mynd, er svona falleg ástarsaga, en samt laus við væmni. Já þið sem hafið ekki séð hana, skulið testa það hvort hún hafi þessi áhrif á ykkur líka...ef ekki þá er ég greinilega bara svona viðkvæm Tek það samt fram að ég er ekki vön að grenja yfir bíómyndum.
En nóg með það...eftir allar þessar hörmungar þá skellti frænkan á mig augnabrúna og augnháralit, þannig að nú get ég renjað að vild án þess að allt fari í klessu

En ég ætla að halda áfram að græja mig fyrir hestamótið og drífa mig út í sólskinið...
Over and out
Stína

Góða veðrið

Já það eru búnir að vera góðir dagar í Danmörku núna...veðrið er nefnilega búið að vera alveg óaðfinnanlegt, eða mjög gott  og ekkert vesen með að einhverjir trukkar séu að stoppa umferðina hérna úti
Við fórum nokkrar íslenskar úr dýralækninum ásamt mökum út að spila fótbolta, þar sem við spiluðum meðal annars stelpur á móti strákum og það var bara mjög jafn leikur, enda engar væmintítur við stelpurnar Síðan var spiluð karfa auk annara leikja allan laugardaginn og enduðum við það síðan með grillveislu. Þetta var ekkert smá góður dagur og ótrúlegt hvað maður hafði úthald í að hlaupa og djöflast allan daginn.

 Síðan voru Huldís og Steini hérna hjá okkur á miðvikudaginn þegar þau voru á leið til Prag og gistu eina nótt. Það var rölt niður í bæ, bjór á Nyhavn og kvöldmatur á Tapas staðnum við Jernabanevej.
Þau litu síðan aftur við á sunnudaginn þegar þau voru að koma til baka frá Prag og var þá kíkt aðeins í Tívolíið. Það var bara stuð, nema mér finnst nýrri rússíbaninn bara alltof, alltof stuttur

Á miðvikudaginn verður saumaklúbbur hjá mér fyrir íslensku dýralæknanemana. Við reynum svona að skiptast á að halda hann.

Úr skólanum er það að frétta að ég náði prófunum og blokkin sem ég er byrjuð á er ekkert svo strembin, þannig að maður reynir bara að njóta góða veðursins þar til að maður kemur heim.
Nú var verið að breyta inntökuskilyrðunum í dýralækninn og þarf fólk að taka inntökupróf sem síðan sker út um hvort það fái inngöngu í námið...ég er bara mjög fegin að hafa þó sloppið við það

Af Brodda er það að frétta að hann kemur heim á föstudaginn og er hann núna að skipuleggja göngu á Íslandi með Norðmanni og dönskum veiðimanni. Þetta verður prufuganga í haust og síðan eru þeir að íhuga að vera með hópferðir frá Dk í svona göngur ef þeim líst eitthvað á þetta.
Síðan erum við að vinna í því að fá hjólið hans bætt, sem var stolið fyrir nokkrum mánuðum.

Kv. Stína
-sem er farin að telja niður dagana fyrir heimkomuna

Fótbolti

Karfa-ég er þessi beiglaða undir körfunni hehe

Indriði stóð sig vel í körfu

Ebba og Silja í hálfleik

Hehe eitthvað fyndin mynd af mér-en samt soldið eitruð með þessi gleraugu

Strákarnir í pásu

Við stelpurnar

Hópmynd, nema af mér því ég tók myndina

Benni í einhverjum flöskuleik

Benni og Broddi


Steini og Huldís

Í Tívolí

Ég og Broddi